10 лістапада школа ізноў вітала аматараў спорту і здаровага ладу жыцця, запрасіўшы на чарговы агульнашкольны Дзень здароўя. Сіла, хуткасць і пластыка, дакладнасць і прыгажосць выканання камбінаваных практыкаванняў былі прадэманстраваны малымі, але ўжо перспектыўнымі спартсменамі з пачатковых класаў. Больш старэйшыя юнакі і дзяўчаты вызначаліся ў асабіста-камандных спаборніцтвах па гімнастычных дысцыплінах на снарадах і з інвентаром. Скончылася спартыўнае свята падвядзеннем вынікаў мерапрыемства і матчавай сустрэчай па баскетболу з удзелам выпускнікоў школы.