29 верасня вучні нашай школы прынялі ўдзел у раенных спаборніцтвах па легкаатлетычнаму кросу, які праходзіў у праграме XVIIІ спартакіяды вучнеўскай моладзі Баранавіцкага раена ў п.Мір на лыжароллернай трасе. Гонар школы абаранялі вучні 10 класа Галубко Мікіта (дыстанцыя 2000м), Кухарчык Максім (дыстанцыя 3000м), а таксама нашы дзяўчаты Бубен Кацярына (2000м) і Цікаловіч Настасся (1000м). Цудоўнае восеньскае надвор’е даравала ўдзельнікам дух здаровага спаборніцтва, які дазволіў дзецям паказаць свае фізічныя магчымасці ў параўнанні з лепшымі спартсменамі з усіх школ Баранавіцкага раена і атрымаць нядрэнныя вынікі.