Восеньскія канікулы ў нашай школе пачаліся з адкрыцця прышкольнага аздараўленчага лагера “Рамонак”. Дзеці з задавальненнем прынялі ўдзел у цікавых спаборніцтвах і гульнях, спявалі песні, танцавалі, малявалі, адгадвалі загадкі. А салодкія прызы сталі ўзнагародай за актыўны ўдзел у мерапрыемстве. У год малой Радзімы вельмі пазнавальнай была экскурсія па родных мясцінах, знаёмства з гісторыяй вёскі Вольна, з яе помнікамі і прыгожымі мясцінамі. Дзень праляцеў хутка і непрыкметна, а самае галоўнае – дзеці з карысцю правялі час і добра адпачылі.