З 19.09.2022 па 23.09.2022 у школе прайшоў Тыдзень роднай мовы “Як ты дорага мне, мая родная мова!” Кожны дзень вучні маглі прыняць удзел у разнастайных мерапрыемствах: зрабіць паштоўкі з пажаданнямі роднай мове, паўдзельнічаць у квэсце-гульні “Фальклор, фальклор – душа народа”, напісаць сачыненне на тэму “За што я люблю родную зямлю”, паспаборнічаць у гульні-віктарыне “Любіце, ведайце і шануйце родную мову!”, праявіць свае чытацкія здольнасці падчас удзелу ў акцыі “Чытаем Максіма Танка разам”. Вучні паказалі сябе сапраўднымі знаўцамі беларускай мовы, творчымі, крэатыўнымі, актыўнымі. Удзел у мерапрыемствах дапамог стаць бліжэй да сваёй Радзімы, роднай мовы, гістарычнай спадчыны.