Праграмай пленэру было прадугледжана знаемства з вучэбнай базай установы, майстар-класы па спецыяльнасцях, конкурс-дэгустацыя “Лепшая аладка”, частаванне удзельнікаў смачнай кашай і салодкім чаем.Наведвальнікі таксама змаглі прыняць удзел у спартыўна-забаўляльных конкурсах ( стральба з пнеўматычнай вінтоўкі, дартс, перацягванне канату, бяспройгрышная латарэя). Адзіным шкадаваннем стала адсутнасць доўгачаканага гэтай зімой снегу, каб праявіць сябе ў спрыце на ледзяной горцы, катанню на санях, конкурсе снежных скульптураў “Лепшы снегавік”. Дзеці з карысцю і задавальненнем правялі час і са станоўчым настроем шчасліва вярнуліся дамоў.