Кожны чалавек павінен ведаць родную мову, прыказкі і прымаўкі свайго народа, умець спяваць народныя песні, цікавіцца, як беларусы спрадвеку адзначалі святы, чым страчалі і частавалі гасцей. Таму на ХІІ раённым злёце піянерскіх дружын мы расказалі пра стравы беларускай кухні, якія гатавалі нашы продкі. Рэцэпты гэтых страў мы запісалі ў вёсках Баранавіцкага раёна. Піянеры нашай дружыны паказалі, як трэба гатаваць “Трасуху” і “Ламанцы”. З вялікай ахвотай дапамагалі нам у гэтым вучні школ раёна. А каштавалі стравы ўсе разам.