Героям Сацыялістычнай працы вольнаўскай зямлі быў прысвечаны збор дружыны імя Пятра Клімука, які прайшоў у нашай школе. Ліцкевіч Таццяна Ціханаўна, Качарга Васілій Міхайлавіч, Вяленка Мікалай Лявонцьевіч, Светлік Мікалай Людвікавіч – усе гэтыя людзі сваёй самаадданай працай заслужылі павагу землякоў і высокія ўзнагароды Радзімы. Піянеры пазнаёмілі ўсіх прысутных з біяграфіяй герояў, расказалі аб іх працоўных дасягненнях. Усё іх жыццё:адносіны да працы, да даручанай справы з’яўляюцца прыкладам для нас.